Featured Post

Something else

No its not writer's block Its something else Just wondering why am I not writing much these days!

Monday, March 6, 2017

مٹھی بھر لمحے

وقت کچھ یوں دوڑ رہا ہے کہ آہٹ  بھی نہیں ہونے پاتی 
کچھ لمحے جو گرفت میں لینا چاہیں بھی تو 
ہاتھوں کی انگلیوں کی پوروں سے چھن  کر 
پھسلتے چلے جاتے ہیں 
 بند مٹھی  کھولیں تو 
چند بے نام ذرے 
چند کم مائیگی  کا احساس دلانے والے 
چپ چاپ  لمحے 
ہتھیلی کی فصیلوں پر 
سانس لیتے ، جیتے جاگتے 
جھلملاتے ، دکھائی  دیتے ہیں 
اور ان چند سانس لیتے 
بے نام لمحوں کو 
کچھ دیر اور سنبھال رکھنے کو 
ہم مٹھی پھر سے بند کر لیتے ہیں 

نازش امین 

No comments:

Post a Comment