تیرے بغیر زندگی

پُرسشِ غم کا شکریہ ، کیا تجھے آگہی نہیں 

تیرے بغیر زندگی، درد ہے زندگی نہیں 

دور تھا اک گزر گیا ، نشہ تھا اک اُتَر گیا 

اب وہ مقام ہے جہاں شکوہٴ بیرخی نہیں 

تیرے سوا کروں پسند، کیا تری کائنات میں 

دونوں جہاں کی نعمتیں ، قیمتِ بندگی نہیں 

لاکھ زمانہ ظلم ڈھائے ، وقت نہ وہ خدا دکھائے 

جب مجھے ہو یقیں کہ تُو، حاصلِ زندگی نہیں 

دل کی شگفتگی کے ساتھ، راحتِ مےکدہ گئی 

فرصتِ مہ کشی تو ہے ، حسرتِ مہ کشی نہی

زخم پے زخم کھاکے جی ، اپنے لہو کے گھونٹ پی 

آہ نہ کر ، لبوں کو سی ، عشق ہے دل لگی نہیں 

دیکھ کے خشک و زرد پھول ، دل ہے کچھ اس طرح ملول 

جیسے تری خزاں کے بعد ، دورِ بہار ہی نہیں

شاعر : احسان دانش